Komana Yehova Watiyaña Mutwalombaña?

Nzambi watiyaña kulomba kwetu. 1 Petulu 3:12

Yehova “Watiyaña mwalombañawu antu.” (Masamu 65:2) Wakeñaña nindi tumulombeña chakufuma hamuchima.

Lombenu kudi Yehova bayi kudi muntu mukwawuku.

Kudi yuma yayivulu yitunateli kutena mukulomba. 1 Yowanu 5:14

Lombenu nenu nkeñelu yaNzambi ayili hamaseki neyi chayilawu mwiwulu.

Mulombenu Yehova yayikwashi kulonda mwileña yuma yayiwahi. Munateli cheñi kulomba neyi munakukeña yakudya, mudimu, hakukama, yakuvwala nikwikala akola kumujimba.

Lombenu kuhitila mwijina daYesu nakumwekesha nenu mwalemesha chuma chayikoñelayi.