Komana Makabi Amba Kamana?
Komana mukwakula nenu . . .
eña?
inehi?
hekwawu?
BAYIBOLU YAHOSHAÑA NAWU
“Nzambi . . . wakayikombola madilu ejima kumesu awu; hikwakekala nawa cheñi kufwaku; hikwakekala nawa cheñi hela kuneña hela kudila hela kukataku.”—Chimwekeshu 21:3, 4.
WULOKU WUMUNATELI KUTAMBWILA NEYI MUKUHWELELA MUNICHI CHIKANINU
Mukwiluka nenu Nzambi hidiyi watuletelaña yihuñuku.—Yakoba 1:13.
Muchima wenu wukuwunda chimweluka nenu Nzambi watutiyilaña wushona neyi tunaholokeli muyihuñu.—Zekariya 2:8.
Mukwikala namuchima wakuchiñeja nenu yihuñu yamba kamana.—Masamu 37:9-11.
KOMANA TUNATELI KUKUHWELELA CHIKUPU YUMA YAHOSHAÑA BAYIBOLU?
Eña, hamuloña wayuma yiyedi:
Nzambi wahela yihuñu nikutama kwejima. Talenu chatiyileñayi Yehova Nzambi kumuchima kunyima hampinji yayikabishileñawu antu jindi. Bayibolu yahoshaña nawu waneñeli muloña ‘ayimwesheleña yihuñu.’—Ansompeshi 2:18.
Antu akabishaña antu jindi Nzambi wayitiyaña kumuchima bwi-i. Chakutalilahu, Bayibolu yahoshaña nawu Yehova wamonaña “makasa apwekeshaña mashi akadi muloña” nindi hiyishimashima kumesu indi.—Yishimu 6:16, 17.
Nzambi watwakamenaña hamuntu hamuntu. Bayi neyi muntu wudi wejima ‘weluka yipupu yawu hamuntu hamuntu niyihuñu yawuku’ ilaña niYehova weluka.—2 Kushindulula 6:29, 30.
Kuzatisha Wanta windi, Yehova keña yamanishi yihuñu yinakumonawu antu hamuntu hamuntu. (Matewu 6:9, 10) Chayinu mpinji, Yehova wakundejaña antu enzaña kudi yena namuchima wumu.—Yililu 17:27; 2 Akorinda 1:3, 4.