Ntachikilu yaChibalu 5

Chelili munahiti dehi tukweji tuyedi kufuma hazambukiliwu Kaluñalwiji Kachinana, aIsarela ashikili kuMpidi yaSinayi. Kwenoku, Yehova watiyañeni chitiyañenu nawaIsarela kulonda ekali muza windi wadimena. Wayikiñileña nawa wayinkeleña yuma yejima yakeñeleñawu, manina, yakuvwala yabulileña kutabuka niiluña dadiwahi dakushakama. Neyi mudi anvwali, kwashenu mwanenu eluki chaletesheli Yehova ayinki aIsarela Nshimbi, tabanaka nimudimu wawupristu. Konkomwenenu chalemena kwila mutunashiiki, kwikala adizoza nawa ashinshika kudi Yehova mpinji yejima.