Ntachikilu yaChibalu 12

Yesu wayidizishileña antu haWanta wamumawulu. Wayidizishileña cheñi kulomba nawu ijina daNzambi adijiliki, Wanta windi winzi nawa nkeñelu yindi ayili hamaseki. Neyi mudi anvwali, mulumbulwilenu mwanenu eluki iku kulomba chikwalemena kudi etu. Yesu hetejeli kumufumpila kashinshi kindi kudi Satanaku. Yesu watondeli apostolu indi nawa diwu ekalili atachi muWanta. Talaña Yesu chakeñeliyi kudifukula kwalala. Chineli wakeñeli kukwasha antu, wokileña akata, wadiishili adiña nanzala nikusañula antu afwili. Muloña waniyi yihayamisha yejima yakoñeliyi, wamwekesheli yuma yakayililawu antu kudi Wanta.