Bayibolu Yinateli Kuyikwasha Ñahi?

Wonsu wetu twakeñaña kwiluka yuma yayivulu kutalisha hawumi, yihuñu, kufwa nichakekala yuma kumbidi. Twatoñojokaña cheñi hayuma yamuchihandilu hefuku-hefuku, chidi neyi chakuhanda hela chakwikala nachisaka chamuzañalu. Antu amavulu ahoshaña nawu Bayibolu yayikwashaña kwiluka ñakwilu yamalwihu alema nawa yayilejaña yuma yinateli kuyikwasha mukuhanda kwawu. Munakutoñojoka nenu Bayibolu yinateli kukwasha antu ejima?

1. Bayibolu yaakula malwihwinyi amakwawu?

Bayibolu yaakula malwihu alema adi neyi: Komana yuma ayileñeli? Muloñadi chitwekalilaku? Muloñadi antu chakabakenañawu? Chumanyi chamumwekenaña muntu neyi nafwi? Neyi antu ejima akeñaña kuwunda, muloñadi majita chinaswejeliwu? Chumanyi chakamwekena iseki kumbidi? Bayibolu yatulejaña nawu twatela kuwana ñakwilu yanawa malwihu, nawa iji ñakwilu jinakwashi nankashi antu amavulu.

2. Bayibolu yinateli kutukwasha ñahi kwikala namuzañalu muchihandilu chetu?

Bayibolu yatulejaña yuma yayiwahi yitwatela kwila. Chakutalilahu, yalejaña yisaka chiyatela kwikala namuzañalu chikupu. Yashimunaña chitwatela kwila neyi tunaneñi nichakuzañalala namudimu wutukweti. Mukwiluka Bayibolu chiyadizishaña haniyi nyitu, sweje-e chitukuhanjekaña hamu haniyi nsañu. Mukwiteja nenu “Nsona yejima [yuma yejima yidi muBayibolu] . . . yayiwahi.”—2 Timotewu 3:16.

SANDUJOLENU CHIKUPU

Talenu Bayibolu chiyinakwashi antu, chimunateli kutiya kuwaha kuyitaña nichawahila kwiteja wukwashu kulonda mwiluki nsañu yidimu.

3. Bayibolu yinateli kutulombola

Bayibolu yidi neyi inoñu datoñeka nankashi. Tunateli kuzatisha Bayibolu kulonda yitukwashi kufuukula chiwahi nikwiluka yuma yikamwekana kumbidi.

Tañenu Isamu 119:105, kuhiñahu hanjekenu hanawa malwihu:

• Nsoneki wanidi isamu wamweneña ñahi Bayibolu?

• Indi enu Bayibolu mwayimonaña ñahi?

4. Bayibolu yinateli kwakula malwihu etu

VIDIYO: Bayi Muleka Kuchiñejaku! (1:48)

• Muniyi vidiyo, malwihwinyi adihwileñayi iwu mumbanda?

• Kudiza Bayibolu kwamukwashili ñahi?

Bayibolu yatulejaña nawu twihuleña malwihu. Tañenu Matewu 7:7, kuhiñahu hanjekenu halwihu lunalondelihu:

• Malwihwinyi imukweti atela kwakula Bayibolu?

5. Munateli kutiya kuwaha kutaña Bayibolu

VIDIYO: Kutaña Bayibolu (2:05)

• Muniyi vidiyo, awa atwansi ahosha nawudi hansañu yakutaña?

• Hanu chumanyi chinakuyiletesha akeñeña kutaña Bayibolu?

Bayibolu yatulejaña nshimbi jatukundejaña nawa jatukwashaña kuchiñeja. Tañenu ARoma 15:4, kuhiñahu hanjekenu hanilu lwihu:

• Mwatiyaña ñahi nachikaninu chamuBayibolu chahosha hakukundeja nikuchiñeja?

6. Antu amakwawu anateli kutukwasha kutiyishisha nsañu yamuBayibolu

Hela chakwila atañaña Bayibolu nkawawu, antu amavulu aneluki nawu kuhanjeka nsañu yamuBayibolu nawakwawu kwayikwashaña. Tañenu Yilwilu 8:26-31, kuhiñahu hanjekenu hanilu lwihu:

• Tunateli kutiyishisha ñahi nsañu yamuBayibolu?—Talenu mavasi 30 ni 31.

YUMA YIMUNADIZI

Bayibolu yatulejaña chitwatela kuhanda, yaakula malwihu alema nawa yakundejaña antu nikuyinka muchima wakuchiñeja.

Kuhitulukamu

• Kufumba kwamuchidinyi kwekala muBayibolu?

• Bayibolu yaakula malwihwinyi?

• Yumanyi yamuBayibolu yimunakukeña kwiluka?

ILUKILENUHU NSAÑU YIKWAWU

Toñojokenu hakufumba kwamuBayibolu chikwatukwashaña makonu.

“Yuma Yatañishaña Bayibolu​—hiMaana Ahaya Nyaaka” (Kaposhi Kakutalila Na. 1 2018)

Talenu Bayibolu chiyamukwashili iwu iyala wakabakeni nayitoñojoka yatama kufuma kuwansi.

Chinatachikili Kwikala naChihandilu chaMuzañalu (2:53)

Talenu kufumba kwekala muBayibolu chikunateli kukwasha chisaka.

“Ifintu 12 Ifingafwa Indupwa” (Loleni! Na. 2 2018)

Dizenu kulonda mwiluki Bayibolu chiyolola ntañishilu yakutwamba kutalisha hadi wunakuyuula kanu kaayi.

Muloñadi Wutwatela Kudizila Bayibolu?​—Yejima (3:14)