MALWIHU AMUBAYIBOLU ANAYAKULI

Anyi akaya mwiwulu nawa muloñadi?

Antu amavulu afwilaña kuya mwiwulu. Yesu wahosheli nindi apostolu indi ashinshika diwu akashakamaña mwiwulu. Henohu kanda yafwi, Yesu wayikanini nindi wukayiloñeshela iluña mwakashakamañawu naTata yindi wamwiwulu.—Tañenu Yowanu 14:2.

Muloñadi antu ahamaseki chakayisañulawu nakuya kwiwulu? Akaya nakwiladi? Yesu wayilejeli apostolu indi nindi akekala anyanta. Diwu akayuulaña iseki dejima.—Tañenu Luka 22:28-30; Chimwekeshu 5:10.

Komana antu amawahi ejima ayaña mwiwulu?

Mumatuña amavulu, antu antesha hohu diwu ayuulaña. Chineli Yesu wasañulaña antu nakuya mwiwulu kulonda akayuuleña iseki dejima, tunateli kukuhwelela netu antu atondawu antesha. (Luka 12:32) Bayibolu yashimuna naambala yawantu akayuulilaña hamu naYesu.—Tañenu Chimwekeshu 14:1.

Antu akaya mwiwulu hidiwu hohu amba kenkawu wulokuku. Ayilolu amuWanta waYesu akashakama haya nyaka muparadisa yahamaseki yakatuñululawu. (Yowanu 3:16) Amakwawu akapuluka hampinji yikajilumuka adinu ituña datama akeñila muParadisa. Amakwawu akeñila hanyima yakuyisañula.—Tañenu Masamu 37:29; Yowanu 5:28, 29.

Neyi munakukeña nsañu yikwawu, talenu kapetulu 8 kawunu mukanda, Chumanyi Chacheni Chatañishaña Bayibolu?, wasonekawu kudi aYinsahu jaYehova

Loñololenu iyi magazini ha www.jw.org

[Mwevulu wudi hefu 16]

Yesu wayiloñeshela atumbanji twindi amakwawu maluña mwiwulu. Muneluki mudimu wakazatañawu mwiwulu?