MUNAKWANUKA?

Komana mwatañili nakanañachima yibaaba yakatataka yaKaposhi Kakutalila? Talenu neyi mukutwesha kwakula awa malwihu:

Mpinjinyi yajahileñawu mwana kamukoku wahaPaseka haNisani 14?

MaBayibolu amakwawu ashimuna nawu ateleleli kumujaha ‘namelela,’ dikwila nawu hakabwidibwidi, hanyima yakuhuma kwetañwa. (Kwid. 12:6)—12/15, mafu 18-19.

Nshimbinyi yamuBayibolu yinateli kuzatishawu atwansi kulonda afuukuluhu chiwahi?

Jekala jisatu (1) Sambilenu kukeña Wanta waNzambi nikuloña kwindi. (Mat. 6:19-34) (2) Zañalalenuña hakukalakela amakwawu. (Yil. 20:35) (3) Zañalalenuña hakumukalakela Yehova muwansi. (Mukwa. 12:1)—1/15, mafu 19-20.

Mpinjinyi ‘yikasumbulayi Mwana kaMukoku’? (Chim. 19:7)

‘Mwana kaMukoku wakasumbula’ hanyima yakwila Mwanta, Yesu Kristu nemiki dehi mushindu, dikwila nawu, hanyima yakujilumuna Babiloni Muneni nawa hanyima yakulwa njita yaAmagedoni.—2/15, ifu 10.

Muloñadi aYudeya amumafuku aYesu chiyadiña ‘nakutalilawu’ Mesiya? (Luka 3:15)

Hitunateli kushimuna jiika netu aYudeya amuyaaka nkulakaji yakusambila atiyishishili wuprofwetu waDanyeli wahosha hadi Mesiya neyi chitweluka etuku. (Dan. 9:24-27) Hela chochu, atela atiyili nawu kañelu walejeli atubiña amakwawu indi kwiji atiyili chahosheliyi kaprofwetu wamumbanda Ana chamweniyi mukeki Yesu hatembeli. Cheñi nawa akwakuhoña natutumbwa, enjili nakukeña ‘mwanta wawaYudeya wavwalikili.’ (Mat. 2:1, 2) Chimwahitili yaaka, Yowanu Mpapatishu washimwini nindi Kristu keña yamwekani.—2/15, mafu 26-27.

Chumanyi chinateli kutukwasha kwila mutwahoshaña? (2 Kor. 1:18)

Eñañi, mpinji yikwawu yuma yomisha mbaña yatukañeshaña kushikija mutwakanini. Ilaña neyi tudikana namukwetu twatela kuzata nañovu kulonda tushikiji mutwakana.—3/15, ifu 32.

Tunateli kushinda ñahi kweseka kwakufwila kutala nyevulu yanzekesi?

Njila jisatu jinateli kutukwasha iji (1) Neyi tumona nyevulu yanzekesi twatela kutala kwacheñi swayi-swayi. (2) Kuhemba yitoñojoka yetu kuhitila mukutoñojoka hayuma yayiwahi nikulomba kudi Nzambi. (3) Kuhemba nyendu yetu kuhitila mukutondolwela mafilimu hela maWebu sayiti amwekeshaña nyevulu yanzekesi.—5/1, mafu 10-12.

Yumanyi yatama yafumañamu chakubula kufuukula neyi mukwaKristu yashiya chisaka chindi nakuya nakukeña mali kwituña dacheñi?

Neyi anvwali anakushakama hamu wanyi neyi chisaka, anyana hiyanateli kulemesha nshimbi yashimunaña yuma yaloña niyatamaku. Anateli kuhela nvwali hela anvwali jawu. Nawa akulumpi abulaña kushakama hamu nawenikwawu ayesekaña nawu eli wuvumbi.—4/15, mafu 19-20.

Malwihwinyi awana itwatela kwanuka hampinji yitunakushimwina antu mwiha?

Antu amuchidinyi inakukeña kuhanjeka nawu? Kudihi kunukuhanjekela nawantu? Mpinjinyi yinakuya nakuhanjeka nawantu? Nateli kuhanjeka nawantu munjilanyi?—5/15, mafu 12-15.