MALWIHU AMUBAYIBOLU ANAYAKULI

Munateli kwikala ñahi nvwali wamuwahi?

Tata yawantu namwanindi anakutala ididila — Komana wamudizishaña mwanenu kukeña nzambi?

Neyi anvwali adikeña nikudilemesha, anyana akukula chiwahi. (Akolosi 3:14, 19) Anvwali amawahi akeña anyanawu nawa ayihamekaña, neyi chochahamekeliyi Yehova Nzambi Mwanindi.—Tañenu Matewu 3:17.

Tata yetu wamwiwulu watiyililaña ambuñindi, nawa washaña maana kuyuma yinakumulejawu. Anvwali niwena atela kumwimbujola nawa atela kutiya yuma yinakuhosha anyanawu. (Yakoba 1:19) Atela kwiluka yuma yinakutoñojoka anyanawu kushilahu niyuma yinakuyineñesha.—Tañenu Kuchinda 11:11, 15.

Munateli kukulisha ñahi anyana chiwahi?

Anvwali akweti wuswa wakutuña nshimbi. (Aefwesesa 6:1) Dizilenu kudi Nzambi. Wamwekeshaña kukeña kudi anyanindi kuhitila mukuyituñila nshimbi nikuyileja yuma yatama yinateli kufumamu neyi akañanya kuyilondela. (Kutachika 3:3) Chatela yayikanjikiji kulondela nshimbi, wayilejaña chiyatela kuhetelamu neyi ela yuma yayiwahi.—Tañenu Isaya 48:18, 19.

Ikalenu nachaaku chakuleja anyanenu kukeña Nzambi. Neyi mwila mwenimu akakoña yuma yayiwahi hela chakwila mudiku wanyi. Kufwana Nzambi wadizishaña kuhitila muyuma yelañayi, ninenu dizishenu anyanenu kukeña Nzambi kuhitila muyuma yimwelaña.—Tañenu Kuhituluka 6:5-7; Aefwesesa 4:32; 5:1.

Neyi munakukeña nsañu yikwawu, talenu kapetulu 14 kaniwu mukanda Chumanyi Chacheni Chatañishaña Bayibolu?, wasonekawu kudi aYinsahu jaYehova

Iwu mukanda wudi niha www.jw.org/lun