MALWIHU AMUBAYIBOLU ANAYAKULI
Komana ichi dichihandilu chekalaku hohu?
Komana mpinji yikwawu mwatoñojoka nenu chihandilu chetu chakapinji kanti hohu?
Mwatoñojokahu dehi nenu kwiji kwekalahu chihandilu chabadika hakuhema, kuzata, kusumbula nikusumbuka, kuvwala anyana nikushinakaja? (Yoba 14:1, 2) Bayibolu yahoshaña nawu niakwamaana ajinokaña hansañu yamuchidiwu.—Tañenu Mukwakutañisha 2:11.
Komana wumi wukweti nkeñelu? Chatachi, twatela kudihula netu, indi yuma yikweti wumi yatachikili ñahi? Hanyima yakutoñojoka chazataña chiwahi woñu wetu nimujimba wetu wejima, antu amavulu ahoshaña nawu kwatela kudi Nleñi wukweti maana waleñeli yuma yejimiyi. (Tañenu Masamu 139:14.) Neyi wudi kwoku, namoni kudi chuma chaletesheli yatuleñi. Neyi twiluka chuma chacheni chatuleñeleliyi chikutukwasha kwikala nachihandilu chikweti nkeñelu.
Muloñadi antu chayileñeleluwu?
Nzambi wayikiswilili antu akusambila ayedi nawa wayinkeli mudimu wawuwahi nankashi. Wakeñeleña nindi enzeshi iseki dejima, nakudilisha paradisa kulonda akashakamenamu haya nyaka.—Tañenu Kutachika 1:28, 31.
Nkeñelu yaNzambi ayilabishili chelili antu adikañi nachiyuulu chindi. Ilaña, Nzambi hatuumbili chisayikila hela kuleka nkeñelu yinduku. Bayibolu yatushiika nawu Nzambi nakuzata kulonda yapulwishi antu ashinshika nawa nawu nkeñelu yindi kutalisha kwiseki yakashikijewa. Dichi Nzambi nakukeña nindi mumoneña wumi neyi chochafuukwiliyi hatachi. (Tañenu Masamu 37:29.) Neyi muzatisha Bayibolu, mukwiluka chimunateli kuhetelamu muyuma yafuukwiliyi Nzambi.