Munakwanuka?

Komana munateli kwakula awa malwihu anashindameni haKaposhi Kakutalila kamu 2019?

Chikaninu chaNzambi chakwila nawu: “Hikwakekala chitwa, chakachilawu nawu akukatishi nachu, chakakolaku,” chatalisha mudihi? (Isa. 54:17)

Twatela kukuhwelela chikupu netu Yehova wakatukiña kudi ‘antu atutiyishaña woma.’ (Isa. 25:4, 5) Ayilumbu jetu hiyakatwalekahu kutukabishaku.—w19.01, pp. 6-7.

Nzambi chayibabesheliyi aKenani niaIsarela abulileña kwovwahila nshimbi chamwekeshaña ñahi wuñanji windi?

Nzambi wababesheleña antu akoñeleña yilwilu yawuvumbi hela akabishileña ambanda nianyana. Yehova wayikiswilileña antu adiña ashinshika kudi yena nawa abulileña kukabisha akwawu.—w19.02, pp. 22-23.

Tunateli kwila ñahi neyi tudi hanakulombelayi muntu wabula kwitiya?

Twatela kumwenahu nikumwekesha kalemesha, ilaña hitwatela kuhosha netu “ameni,” hela kudikwata nawu kumakasaku, muloña chikumwekesha nawu ninetu tunakulomba nawu. Twatela kulomba kankawetu mumuchima.—w19.03, p. 31.

Muloñadi kukaama mwana wanyanya chikunekalili nshidi yeneni?

Hikumuvulumuna muntu anakaamiyi, hikuvulumuna kuchipompelu, hikuvulumuna kudi akwanshimbi nawa hikuvulumuna kudi Nzambi. Mumaluña mwekala nshimbi yeniyi, akulumpi alondelaña nshimbi yakulejamu akwanshimbi neyi muntu nakaami mwana wanyanya.—w19.05, pp. 9-10.

Munateli kuhimpa ñahi hela kuwahisha yitoñojoka niyilwilu yenu?

Yuma yinateli kuyikwasha: Lombenuña kudi Yehova. Toñojokenuña chikupu nankeñelu yakudishinshika chidi yilwilu yenu. Tondenuña chiwahi amabwambu.—w19.06, p. 11.

Yumanyi yitwatela kwila hakwila nawu tudiloñeshi kumona makabisha?

Twatela kukolesha wubwambu wetu naYehova. Ilukenu chikupu nenu Yehova watukeña nawa hamba katushiyaku. Tañenuña Bayibolu mafuku ejima nawa lombenuña mpinji yejima. Kuhwelelenu chikupu nenu nkisu jaWanta waNzambi jikashikijewa. Hembelenuña nsona jimwakeña kumutu nitumina twakushimeka.—w19.07, pp. 2-4.

Chumanyi chitwatela kwila hakwila tukwashi antaña jetu kulonda akapuluki?

Twatela kuyimwekeshela wushona, kuleka yilwilu yetu yayiwahi yituhakwileñaku, twikali adiwunjika nawa bayi tuhimpa yitoñojoka yetuku.—w19.08, pp. 15-17.

Twahizumukaña ñahi kwesekeja nachakaniniyi Yesu haMatewu 11:28?

Tukweti ankoñi amawahi akwaKristu, amabwambu amawahi nankashi nimudimu wawuwahi chikupu.—w19.09, p. 23.

Yehova nateli kutwinka ñahi muchima wakufwila kukoña yuma niñovu yakwilamu? (Fwi. 2:13)

Chitukutañaña Izu daNzambi nikutoñojokahu chikupu, Nzambi wukutukoleshaña, kutwinka muchima wakufwila kwila nkeñelu yindi niñovu yakwilamu. Spiritu Yindi yinateli kutwinka ñovu yabadika.—w19.10, p. 21.

Yumanyi yitwatela kwila henohu kanda tufuukuli?

Yuma yitanu yimwatela kwila: Sandujolenu chikupu. Lombenu maana. Shinshikenu yuma yinaleteshi mufuukuli. Ilukenu chuma chimunakukeña kwila. Ilukenu hanakumini ñovu jenu.—w19.11, pp. 27-29.

Komana yitoñojoka yakwila nawu wumi hiwafwañaku yatachikili mpinji yamulejeliwu Eva kudi Satana?

Inehi. Satana wamulejeli Eva nindi hakufwaku, ilaña wahosheli wanyi nindi Eva wadi kumwekana hohu neyi nafwi. Antu ejima atañishileña jakutwamba hiyapulukili haDibajiku. Ntañishilu yakwila nawu wumi hiwafwañaku yatela yatachikili henohu Nzambi kanda yapalañeshi antu atuñileña kaposhi kaBabeli.—w19.12, p. 15.