“Wanta Weyi Winzi”—Kulomba Kwalombañawu Antu Amavulu
Mwalombahu dehi nenu Wanta waNzambi winzi? Hadi yaaka yayivulu yinahitihu, antu amavulu alombaña nakufuntishahu mazu akwila nawu “Wanta weyi winzi.” Muloñadi chalombelañawu mwenimu? Muloña Yesu wayilejeli atumbanji twindi kulomba nawu Wanta waNzambi winzi.
Hatachi, atumbanji twindi atiyishishili wanyi yuma yejima yayilejeliyi kutalisha haWanta waNzambi. Mpinji yimu amwihwili nawu: “Mwanta, wunakufuntisha wanta kudi aIsarela hayoyinu mpinji tahindi?” Hadaha ahayamini nañakwilu yakwiliyi Yesu. (Yilwilu 1:6, 7) Komana chinatalishi mukwila nawu hitwamba keluka ñakwilu yamalwihu itwehulaña haWanta waNzambi nimpinji yiwakenzaku? Inehi!
Akanu Kaposhi Kakutalila kakuyikwasha kuwana ñakwilu yanawa malwihu:
Muloñadi chitunakukeñela Wanta waNzambi?
Mwanta waWanta waNzambi hinyi?
Mpinjinyi yikatachika kuyuula Wanta waNzambi hamaseki?
Wanta waNzambi wakeladi?
Muloñadi chitwatela kutondelahu kuhakwilaku Wanta waNzambi yinu mpinji?
Wanta waNzambi hichumanyi?