Chakuhosha Hakuhana Magazini

Kaposhi Kakutalila October 1

“Wejima wetu twamonaña kukala. [Shimunenu kukala kwasweja kumwekana mwiluña denu.] Munatoñojoki nenu Nzambi nateli kutukwasha muniku kukala? [Mulekenu yaakuli.] Yesu washimuna njila yimu yatukwashilañayi Nzambi muniyi vasi. [Tañenu Luka 11:13.] Iyi magazini yinalumbululi chekala spiritu yajila nichiyinateli kutukwasha.”

Awake! October

“Komana munateli kwiteja nenu yisaka yamonaña kukala kwakuvulu makonu? [Mulekenu yaakuli.] Antu amavulu eluka wanyi kufumba kwakuwahi kwekala muBayibolu. Talenu ichi chakutalilahu. [Tañenu nsona yidi mumagazini.] Iyi Awake! yadimena yinakushimuna nshimbi yamuBayibolu chiyatela kukwasha yisaka kushinda chiwahi kukala kwashiyashana.”

Kaposhi Kakutalila October 1

“Makonu nsakililu yayivulu yikweti yitoñojoka yashiyashana kutalisha hachekala Spiritu Yajila. Indi enu mukushimuna nenu Spiritu Yajila hichumanyi? [Mulekenu yaakuli. Kufumahu tañenu Luka 1:35.] Neyi chimunamoni, Nsona yazatisha yakutalilahu kulonda twiluki netu Spiritu Yajila hiñovu yazatishañayi Nzambi kushikija nkeñelu yindi. Mukudiluñisha kutaña iyi yibaba yinakuhosha haSpiritu Yajila.”

Awake! November

“Yuma yidi neyi selufoni nikompyuta hiyuma yazatishañawu antu mafuku ejima. Komana munakutoñojoka nenu kuzatisha yuma yakutuñatuña kwahembaña mpinji tahindi kwamanishaña mpinji? [Mulekenu yaakuli.] Amavulu anateli kwiteja iku kufumba kwakuzatisha mpinji chachiwahi. [Tañenu Efwes. 5:15, 16.] Iyi magazini yinakuhosha chitwatela kuzatisha yuma yakutuñatuña chachiwahi nawa nakwesekeja.”