Chakuhosha Hakuhana Magazini

Kaposhi Kakutalila January–March

“Komana mwatoñojokaña nenu ifuku dimu Nzambi wamba kamanisha makabi mwituña? [Mulekenu yaakuli.] Talenu ichi chuma chakana Bayibolu chatwinkaña kuchiñeja. [Tañenu nsona yimu yidi muchikasha chidi hefu 7.] Iyi magazini yinakushimuna chahosha Bayibolu kutalisha hampinji nimunjila mwamba kamanishilayi Nzambi makabi.”

Awake! January

Tañenu Yililu 17:31a. Kufumahu hoshenu nenu: “Antu amavulu akamenaña hama hakutiya Ifuku daKusompesha. Indi enu mwatiyaña ñahi? [Mulekenu yaakuli.] Bayibolu yatañishaña nawu Ifuku daKusompesha dakaleta nkisu jajivulu hamaseki. Ichi chibaba chinalumbululi chumiche.” Hoshenu hachibaba chidi hefu 10.

Kaposhi Kakutalila January–March

“Muchinu chilaaka antu amavulu aloñeshaña chimwenu chamwekeshaña Kuvwalika kwaYesu kulonda kulondeja iyi nsañu yamuBayibolu. [Tañenu Matewu 2:1, 11.] Komana munamoni chaambu chidi hakachi kachuma chahosha Bayibolu nawu dichamwekeni nachuma chamwekeshañawu antu kakavulu? [Mulekenu yaakuli.] Ichi chibaaba chinakuhosha chuma chacheni chamwekeni.” Hoshenu hachibaba chidi hefu 31.

Awake! February

“Makonu antu anakusweja kudiseña. Komana mwatoñojokaña nenu adisumbula ashinshikaña yuma yejima yakeñekaña henohu kanda afuukuluhu kudiseña? [Mulekenu yaakuli. Kufumahu tañenu Yishimu 14:15.] Iyi magazini yinahoshi hayuma yiwana yatela kushinshikahu adisumbula neyi anakutoñojoka kudiseña.”