Njila Yayiwahi Yakudiluñisha Tumina twaWanta

Ambuña Nzambi amonaña tumina nawu hichawaana chachiwahi chatwinkayi Yehova. (Yak. 1:17) Yipompelu yayivulu yadiluñishaña kuvumisha tumina twaWanta chovu-chovu henohu kanda atachiki kupompa nihanyima yakupompa. Kuvumisha tumina twaNzambi hinjila yayiwahi yatuwundishaña nyichima neyi tunayi nakupompa. Tumina twatukwashaña kudiloñesha muyitoñojoka kulonda tudifukuli. Kubombelahu, kuvumisha tumina twatuha twamumukanda wakamina kwatuleñelaña kwiluka itu tumina nawa kwatukwashaña kwimba tumina chiwahi. Kuvumisha tumina twamuchidiwu hanyima yakupompa kwatuhizumwishaña hampinji yitunakuhanjeka nawakwetu. Dichi mazanvu awaeluda atela kuloñesha chiwahi kulonda avumisheña tumina twamumukanda waMwimbilenu Yehova—Tumina twaPiyano henohu kupompa kanda nihanyima yakupompa. Atela kwiluka chikupu nawu anakuvumisha tumina mwishina kulonda tubuli kukañesha antu anakuhanjeka.