Komana Munadiloñeshi Kumwimbila Yehova haKupompa?
1 Kudiloñesha kulonda kwakulahu hakupompa kwakeñekaña nikudiloñesha kwimba tumina twakuhameka. Talenu jinjila jinalondeluhu.
2 Ilukenu Mazu Adi muKamina: Mutu wansañu wamunsona ninsona jikwawu jinatanjikuwu kunsa jatumina jinakukonkomwena mazu adi mukamina ashindamena haNsona.
3 Hitulukenuña muTumina: Munateli kuhituluka mutumina twatuha hampinji yaKudifukula kwaChisaka kulonda mutwiluki. Londelenuña tumina twapiyano twakuzatisha hakupompa kwamulungu nimulungu. Munateli kudiza tumina tukwawu twatuha kuhitila mukutiyilila Disc 1 yaMwimbilenu Yehova—Yatumina twaMazu.
4 Komana munadiloñeshi kutachika kuzatisha kamina kakaha kaMwimbilenu Yehova? Mukudiloñesha neyi mwikala nampinji yakwiluka tumina nikuhitulukamu.