Chakudiza

Hembelenu “Tumina twakuSpiritu” kumutu

Lorraine, waku U.S.A. wahosheli nindi, “Neyi inakulwisha nachineñi chasweja, Yehova wankoleshaña natumina twekalaña muprogiramu yaJW Broadcasting^®.”

AkaKristu embaña “tumina twakuspiritu” hakudifukula kufuma tuhu kunyima. (Kol. 3:16) Neyi muhembela itu tumina kumutu, chumichi chikuyikwasha nihampinji yimunabuli kwikala namukanda watumina hela chozelu chakuzatisha. Esekenu kulondela iji njila kulonda mutali chijinateli kuyikwasha kuhembela tumina kumutu.

• Tañenu nakanañachima mazu adimu kulonda mwiluki munatalishiwu. Chaswayi kwanuka chuma neyi mwiluka muchinatalishi. Tumina twetu twejima twamazu, kushilahu tumina twadimena nitwawanyana anyanya, tudi ha jw.org. Muchibalu chinakuhosha nawu Library, yenu haTumina.

• Sonekenu mazu anoku kamina hachipapilu. Neyi mwila mwenimu chikuyikwasha kwanuka chikupu owu mazu.—Kuhit. 17:18.

• Imbenuña nezu datiyakana. Tañenu hela kwimba oku kamina kapampa kakavulu.

• Esekenu mutali neyi munakwanuka. Esekenu mutali neyi mukutwesha kwanuka owu mazu chakadi kutalahu, kuhiñahu talenuhu kulonda mumoni neyi muneli chiwahi hela nehi.