Chakwila

Hakutachika Kudizisha Antu Bayibolu Mposu Yatachi muJune

“Tunakukolesha antuñi netu kulonda atañeña maBayibolu awu. Ilaña antu amavulu atoñojokaña nawu Bayibolu yekala yakala kutiyishisha. Komana ninenu dichimwatoñojokaña? [Mulekenu yaakuli.] Talenu iyi magazini chiyinakuhosha.” Mulejenu mwiniitala chipapilu chakunyima chaKaposhi Kakutalila kaMay–June, nawa tañenu nsañu yidi heshina dalwihu lwatachi ninsona yimu yinatenuwu. Mwinkenu magazini nawa loñeshenu kulonda mwakafuntiluku nakuhanjeka halwihu lunalondeluhu.

Chanukishu: Ichi chimwenu mwatela kuchimwekesha hakuhumañana kwakuya mumudimu wamwiha haJune 1.

Kaposhi Kakutalila May–June

“Antu amakwawu ehulaña ilu lwihu nawu, ‘Tweluka ñahi netu chalala Yesu amusañwili?’ Komana ninenu mwadihulahu dehi ilu lwihu? [Mulekenu yaakuli.] Talenu ñakwilu yanilu lwihu chiyalemena. [Tañenu 1 Akorinda 15:14.] Iyi magazini yinalumbululi chitweluka netu nsañu yakusañuka yalala.”

Awake! June

“Tunakukeña kwiluka chimwatoñojokaña haniyi nsañu. Antu ejima akeñaña kwikala nachihandilu chachiwahi. Komana munatoñojoki nenu tunateli kwikala nachihandilu chachiwahi kuhitila mukulanda yuma yayivulu? [Mulekenu yaakuli.] Talenu iyi nsañu yalema yahosheliyi Yesu. [Tañenu Luka 12:15.] Iyi magazini yinakutuleja chitwatela kumona yuma yakumujimba munjila yatelela nawa yinakushimuna yuma yatela kutukwasha kuzatisha chiwahi mali.”