Chakwila

Hakutachika Kudizisha Antu Bayibolu haMposu Yatachi muJune

“Antu amavulu anakanaña kuvwalika kwaYesu, munakutoñojoka nenu kwanakana kufwa kwaYesu nikwena kwalema?” Mulekenu yaakuli. Kuhiñahu mwinkenu mwiniitala magazini yaKaposhi Kakutalila kaMay-June, nawa hanjekenu hamu nsañu yidi hamutu wanyanya wudi hefu 16 ninsona yimu yinatenuwu. Tiyañanenu ifuku dimwakafunta nakwakula lwihu lunalondeluhu.

Kaposhi Kakutalila May–June

“Antu amavulu ajinookaña muloña wabulilayi Nzambi kufumishahu makabi niyuma yatama mukaayi. Mwatoñojokaña nenu Nzambi wakola muchima hela nenu watiyaña kuwaha neyi antu anakukabakana? [Mulekenu yaakuli. Kuhiñahu tañenu Yowanu 3:16.] Hela chakwila antu amavulu ahoshaña haniyi vasi hakumwekesha nawu Nzambi wakamenaña, eluka wanyi kufwa kwamwana kaNzambi chikwayiheteshaña. Iyi magazini yinakulumbulula makabi niyuma yatama chiyakamana hamuloña wakufwa kwaYesu.”

Awake! June

“Kuhanjeka haIntaneti kunaleñeli antu kwikala nawamabwambu amavulu kubadika kuyaaka yakunyima. Munatoñojoki nenu ibwambu walala watela kwikala nachililwinyi chalema? [Mulekenu yaakuli.] Talenu chakutalilahu chamuBayibolu chatulejaña chitwatela kukwata ibwambu wamuwahi. [Tañenu Yakoba 1:19.] Yinu magazini yinakushimuna nshimbi jiwana jatela kutukwasha kwikala nayililu yikuleñela antu amakwawu kukwata wubwambu nanetu.”