Chakwila

Hakutachika Kudizisha Antu Bayibolu haMposu Yatachi muMay

“Tunakuhana chipapilu chakutambika nachu antu kuchidika chasweja kulema. HaApril 14, antu amavulu mukaayi kejima akapompa nakwanakana kufwa kwaYesu Kristu nawa akatiyilila kumpanji yaBayibolu yakahanawu chakadi kufwetesha, yikalumbulula chitwahetelañamu mukufwa kwindi. Ichi chipapilu chinakushimuna mpinji niluña kwakekalila Chanukishu mwiluña detu.”

Kaposhi Kakutalila March–April

“Tunayendeli hakapinji kantesha kulonda tuhanjeki nenu hachuma chatuneñeshaña wonsu wetu, kufwisha muntu itwakeña. Komana himukwitejaku nenu kufwisha ibwambu hela ntaña hichuma chakala kuumika? [Mulekenu yaakuli.] Iyi vasi yamuBayibolu yakundejaña nankashi antu amavulu. [Tañenu Isaya 25:8.] Ayinu magazini yinakushimuna chikaninu chamuBayibolu chatukoleshaña chakwila nawu, Yehova wakafumishahu kufwa nikusañula antu itwakeña.”

Awake! May

Tunayendeli hakapinji kantesha kulonda tukwashi antu eluki chakukañesha yuma yaletaña chineñi. Munakutoñojoka nenu antu amakonu anakuneña nankashi kubadika mpinji yakunyima? [Mulekenu yaakuli.] Antu amavulu eluka nawu kufumba kwakuwahi kwamuBayibolu kwayikwashaña chikupu kushinda yuma yatuneñeshaña. Talenu ichi chakutalilahu. [Tañenu Matewu 6:34.] Iyi magazini yinakulumbulula nshimbi jamuBayibolu chijinateli kutukwasha kushinda yuma yiwana yavula kutuneñesha.”

Chanukishu: Iyi magazini anateli kuyikeña nankashi kudi antu azataña mudimu wakulanda nakulandulula.