Chakwila

Nsañu yaWanta Na. 38

“Nidi mukampani yamukaayi kejima yakushimuna iyi nsañu yalema. Kopi yenu iyi.”

Chanukishu: Hakwila nawu mushimwini mwiluña denu dejima, mwatela kuhosha hohu mazu antesha. Hela chochu, mpinji yikwawu mwiniitala nateli kumwekesha mpwila yayeni nawa nateli kuyileja nindi mutwalekuhu nakuhanjeka nindi. Neyi chikala mwenimu, mwihulenu kulonda yayileji chinakutoñojokayi halwihu ludi hachipapilu chahewulu, mutañilenu ñakwilu yamuBayibolu neyi chinashimuniwu mukachi, nawa hanjekenu hansañu yidi mutilakiti neyi kudi mpinji. Henohu kanda muyi, mulejenu “Lwihu Lutwatela Kutoñojokahu” ludi kuchipapilu chakunyima nawa tiyañanenu mpinji yimukafunta nakulwakula.

Kaposhi Kakutalila September–October

“Tunayendeli muloña antu amavulu anakwakamena nankashi kutalisha hanyevulu yanzekesi chiyinatandi. Hela chochu, antu amavulu atoñojokaña nawu nyevulu yanzekesi yatama wanyi. Indenu mwatoñojokañahu nenudi? [Mulekenu yaakuli.] Yesu wahosheli nindi tunateli kwiluka netu mutondu wawuwahi nanyikabu yayu. [Tañenu Matewu 7:17.] Iyi magazini yinakushimuna yuma yafumaña mukutala nyevulu yanzekesi. Yinakushimuna cheñi njila jajiwahi jatela kukwasha muntu kuleka kutala nyevulu yanzekesi.”

Awake! November

“Tunenzi nakuyihempula hampinji yantesha muloña antu amavulu anakwakama nawu yililu yayiwahi yinakukehelaku. Komana munakutoñojoka nenu antu anakudiwula nshimbi jajiwahi? [Mulekenu yakuli.] Bayibolu yashimwineñahu dehi nawu yitoñojoka niyililu yawantu yakahimpa. [Tañenu 2 Timotewu 3:1-5.] Iyi magazini yinakulumbulula muloña wutwatelela kulemesha nshimbi jajiwahi jekala muBayibolu.”