Chakwila

Hakutachika Kudizisha Antu Bayibolu Mposu Yatachi muMarch

“Antu amavulu makonu afwilaña kuya nakushakama mwiwulu. Neyi chimwatoñojokaña antu amuchidinyi anateli kutondayi Nzambi kuya mwiwulu? [Mulekenu yaakuli.] Talenu mutu wachinu chibaaba.” Tañilenu hamu nsañu yidi hakamutu kanyanya katachi kadi hefu 16 muKaposhi Kakutalila kaJanuary-February, ninsona yimu yinatenuwu. Mwinkenu magazini nawa loñeshenu kulonda mwakafuntiluku nakuhanjeka halwihu lunalondeluhu.

Kaposhi Kakutalila January–February

“Makonu kudi yuma yayivulu nankashi yakwila muchihandilu, chakwila mpinji yikwawu tunateli kukañanya nikutoñojoka hadi Nzambi. Munakutoñojoka nenu Nzambi walema muchihandilu chetu? [Mulekenu yaakuli.] Mumpanji yindi yaHampidi yaya mpuhu, Yesu wahosheli nindi twatela kwikala nawubwambu naNzambi hakwila twikali amuzañalu chikupu muchihandilu. [Tañenu Matewu 5:3.] Iyi magazini yinakulumbulula yuma yisatu yitwamukeñelaña Nzambi muchihandilu chetu.”

Awake! March

“Tunayendeli netu tuhanjekuhu chantesha kulonda tukwashi antu amavulu atoñojokaña mwaluwa haniyi vasi yamuBayibolu. [Tañenu Kutachika 1:1.] Antu amavulu akuhwelela nawu yuma yamwiwulu niyahamaseki ayileñeli, ilaña amakwawu hiyakuhwelela mwenimuku. Indenu mwatoñojokaña nenudi? [Mulekenu yaakuli.] Antu amavulu chayikalilaña kukuhwelela muyileñaleña muloña anlomboli jawu jamachechi ayitañishaña yuma yabula kushimunawu muBayibolu. Iyi magazini yinakushimuna Bayibolu chiyalumbululaña chachiwahi hampinji yatachikiluwu kuleña mawulu nimaseki.”