Chakwila

Hakutachika Kudizisha Antu Bayibolu Mposu Yatachi muMarch

“Munanu mafuku akala wejima wetu twamonaña ikezeñi daneñeshaña yisaka. Mwatoñojokaña nenu kudihi kutwatela kuwana wunlomboli wawuwahi watela kutukwasha kwikala namuzañalu muchisaka?” Mulekenu yaakuli. Kufumahu mwinkenu mwiniitala magazini yaKaposhi Kakutalila yaJanuary–March, nawa hanjekenu hamu nsañu yidi hamutu wanyanya wudi hefu 16 na 17 ninsona yimu yinatenuwu. Mwinkenu magazini nawa loñeshenu kulonda mwakafuntiluku nakwakula malwihu analondeluhu.

Kaposhi Kakutalila January–March

“Antu amavulu atoñojokaña nawu Bayibolu chiyahosha hansañu yakuhumañana kweyala namumbanda hinsañu yayikulu nawa yankañeshaña hohu. Amakwawu eteja chahosha Bayibolu. Munatoñojokuhu nenudi? [Mulekenu yaakuli.] Tiyenu chahosha iyi nsona kutalisha hansulu yanshimbi jamuBayibolu. [Tañenu 2 Timotewu 3:16.] Ayinu magazini yinakushimuna jiñakwilu ikumi hamalwihu avula kwihulawu kutalisha hansañu yakuhumañana kweyala namumbanda. Yinalumbululi cheñi nshimbi jamuBayibolu chijatukwashaña.”

Awake! March

“Tunakuhanjeka nawantuñi netu kutalisha hachaaku chatama. Makonu chinamwekani neyi antu anakusweja kuhilashana nikuzuwa. Munakutoñojoka nenu chumanyi chakojejaña? [Mulekenu yaakuli.] Talenu nsañu yahosha Bayibolu hakuzuwa. [Tañenu Masamu 37:8.] Iyi magazini yinashimuni yuma yakojejaña antu kusweja kuzuwa makonu nichitwatela kukehesha ndulu.”