Chakwila

Hakutachika Kudizisha Antu Bayibolu Mposu Yatachi muSeptember

“Tunakwendela antu hakapinji kantesha nakuhanjeka hanilu lwihu lwaluwahi.” [Mulejenu lwihu lwatachi ludi kunyima yamagazini yaKaposhi Kakutalila kaJuly-August.] “Mukuhoshahu nenudi?” Mulekenu yaakuli. Tañilenu hamu nsañu yidi mwishina dalwihu lwatachi ninsona yimu yinatenuwu. Mwinkenu magazini nawa tiyañanenu chimwakahanjeka halwihu lunalondeluhu.

Kaposhi Kakutalila July–August

“Kunwa makanya kunakujaha antu kwakwihi na 6,000,000 hachaaka. Kudihu njila yakukañeshelamu iwu wubanji? [Mulekenu yaakuli.] Antu amavulu ayileja dehi nawu aleki chikupu kunwa makanya kuhitila mukushinshika hayitoñojoka yaNzambi kutalisha hakunwa makanya. Chakutalilahu, iyi vasi yamuBayibolu yinakojeji antu amakwawu kutoñojoka hayuma yafumaña mukunwa makanya. [Tañenu 1 Akorinda 10:24.] Yinu magazini yaKaposhi Kakutalila yinakulumbulula nawu muntu nateli kuleka kunwa makanya neyi chakwila wukutoñojoka neyi chatoñojokañayi Nzambi kutalisha hakunwa makanya.”

Awake! September

“Antu amavulu atoñojokaña nawu ayizatishaña chatama kudi antu ayiñija nyidimu nawa akañanyaña kuwana njila yakunookelamu. Ankuluñaña ahoshaña nawu neyi nyidimu yinamuswejeli muntu, wukuzeya kumujimba nimuyitoñojoka. Munakutoñojoka nenu chumanyi chinateli kumukwasha muntu kwikala nachihandilu chachiwahi? [Mulekenu yaakuli.] Tiyenu mazu akusañumuna amuBayibolu adi haniyi vasi. [Tañenu Mukwakutaŋisha 4:6.] Iyi magazini yinakulumbulula njila jiwana jinateli kutukwasha kuhimpa yuma yitwatwamijañaku nichakuzata nyidimu yatuzeyeshaña nankashi.”