Chakwila

Hakutachika Kudizisha Antu Bayibolu Mposu Yatachi muSeptember

“Antu amavulu atoñojokaña chikupu hayuma yakumbidi. Hanu dinu kwekalahu njila yidi yejima yitwatela kwilukilamu chikupu yuma yikamwekana kumbidi? [Mulekenu yaakuli kufumahu tañenu Isaya 42:9.] Chibaaba chinakuhosha nawu ‘Komana Bayibolu Yashimunañahu Dehi Yuma Yikamwekana Kumbidi?’ chidi muyinu magazini chinamwekeshi wuprofwetu wukwawu wamuBayibolu watukwashaña kwiluka yuma yikamwekana kumbidi. Mwinkenu magazini, nawa shimunenu ifuku dimwakafuntilaku nakumuleja chitwadizaña Bayibolu.”

Kaposhi Kakutalila July-September

”Kufuukulahu mwakwilila hichuma chakala. Munakutoñojoka nenu tunateli kufuukulahu ñahi yuma yayiwahi muchihandilu? [Mulekenu yaakuli kufumahu tañenu Yishimu 22:3] Chibaaba chidi hefu 18 muyinu magazini chinamwekeshi nshimbi jamuBayibolu chijinateli kutukwasha kubula kufuukulahu lufuchi.”

Awake! September

“Antu amavulu ahoshaña nawu yileñaleña yejima yahamaseki yikweti wumi yikajilumuka ifuku dimu, hadaha nanjita yanyitendanzumbu hela nawubanji wadimwekenaña waweni chidi neyi wunateli kumwekana hamuloña wapulaneti yatenañawu nawu asteroid hela kubalumoka kwampepela. Komana mwatoñojokaña nenu twatela kukuhwelela iyi yuma yashimunañawu, tahindi mwatoñojokaña nenu hiyitoñojoka yakulumbisha? [Mulekenu yaakuli.] Bayibolu yakana iyi nsañu yakukundeja. [Tañenu Masamu 37:29.] Iyi magazini yinakuhosha yuma yavula kuhoshawu antu niyuma yalala yahoshaña Bayibolu hayuma yikamwekana kumbidi.”