Munakudiloñesha Kwanakana Chanukishu?
Hadiña haNisani 13 mu 33 C.E. Yesu welukili nindi nashali nefuku dimu dakwikala nawamabwambu jindi henohu kanda amujahi. Wukwanakana Paseka yakukumishaku nawamabwambu jindi, kuhiñahu wukutachika chidika chachiha, Kudya kwaMwanta kwaMelela. Ichi chidika chalema chakeñekeleña kudiloñesha. Dichi, watemesheli Petulu naYowanu kuya nakuloñesha yuma. (Luka 22:7-13) Kufuma tuhu yina mpinji, chaaka nichaaka, akwaKristu anakanaña ichi Chanukishu adiloñeshaña. (Luka 22:19) Yumanyi yitwatela kwila kulonda tudiloñeshi kwanakana Chanukishu chikekalaku haApril 3?
Yuma Yatela Kuloñeshawu Akwakushimwina:
Zatenu chikupu mukampeni kakutambika antu kuChanukishu.
Sonekenu atudizi aBayibolu, antaña, akwenu akashikola, akwenu akanyidimu niamabwambu jenu nawa yitambikenu.
Tañenuña Bayibolu nikutoñojokahu mumafuku aChanukishu.
Mwakenzi swayi kuChanukishu kulonda mwakatambwili enyi.