Twatela Kuloñesha Kulonda Tudizishi Chiwahi

Yesu amwihwili lwihu lwolumu kayedi lwahosha hawumi wahaya nyaka, nawa wakwileña kwesekeja nachakeñeleñawu antu amwihwileña. (Luka 10:25-28; 18:18-20) Hela chakwila nsañu yidi mukanda mutwadizishaña antu Bayibolu twayiluka chiwahi, twatela kuloñeshela chadimu nikutoñojoka chitunateli kumukwasha kadizi. Yumanyi yikubula kutiyayi hela yikukaanayi? Tukutaña nsona yimu yidihi yinatenuwu? Tukudiza nakukumina hadi? Twatela kuloñesha chakutalilahu, kulumbulula hela kumwihula malwihu akumukwasha kwiluka nsañu yitunakudiza. Twatela kulomba kudi Yehova hampinji yitunakuloñesha nihampinji yitunakudiza kulonda tumukwashi kadizi kuspiritu, chineli Yehova diyi wakulishaña mbutu yachalala.—1 Kor. 3:6; Yak. 1:5.