Tondolwelenu Yumiyi Yikuyidiila Mpinji Hakudizisha Antu Bayibolu

Kusweja Kuhosha: Bayi musweja kulumbulula yuma yejimaku. Yesu wazatishileña malwihu kulonda yakwashi antu kutoñojoka nikwiluka mwatalishileñayi. (Mat 17:24-27) Malwihu aleñelaña kudiza kwikala kwakuwahi nikuyikwasha kwiluka chinakutiyayi kadizi wenu nsañu niyuma yakuhwelelayi. (be-CW 253 ¶3-4) Neyi munamwihuli lwihu, diwunjikenu nakuhembelela ñakwilu. Neyi kadizi yahana ñakwilu yaluwa, chatela mumuleji ñakwilu yaloña, mwihulenu lwihu lukwawu lukumuleñela yahani ñakwilu yaloña. (be-CW 238 ¶1-2) Hoshenuña munjila yikumuleñela kadizi kudizilaku yikuma yikwawu.—be-CW 230 ¶4.

Kusweja Kuvulisha Nsañu: Tondolwelenu chaaku chakukeña kulumbulula yuma yejima yimweluka hanowu mutu. (Yow 16:12) Hoshenu hohu hayikuma yayeni yidi muparagilafu. (be-CW 226 ¶4-5) Kusweja kulumbulula hela nsañu yinakutiyakana chiwahi, kukuleñela chikuma kubula kutiyakana. (be-CW 235 ¶3) Neyi kadizi natiyi chikuma chacheni, yenu muparagilafu yikwawu.

Kukeña Hohu Kumanisha Nsañu Swayi: Nkeñelu yetu yidi yakushika antu hamuchima bayi kumanisha hohu nsañu swayiku. (Lu 24:32) Zatishenu ñovu Yezu daNzambi kuhitila mukuzatisha jinsona hanashindameni kudiza. (2 Ko 10:4; Heb 4:12; be-CW 144 ¶1-3) Zatishenu yakutalilahu yapela. (be-CW 245 ¶2-4) Ilukenu kukala kukwetiyi niyuma yakuhwelelayi kadizi nawa mudizishenu kwesekeja nakukala kwindi. Mwihulenu nenu: “Wunakutiya ñahi naniyi nsañu yiwunakudiza?” “Iyi nsañu yinakutudizishadi hadi Yehova?” “Kuwahanyi kuwunakumona hakuzatisha iyi nsañu?”—be-CW 238 ¶3-5; 259 ¶1.