Kwashenu Chisaka Chenu Chimwanukeña Yehova

Yeremiya amwinkeli mudimu wakusoñamisha aYudeya hakujilumuka kwenjileña muloña wakwila amuvulameneni Nzambi yawu, Yehova. (Yer 13:25) Indi muza watiyili ñahi naniyi nsañu yawushona yakuspiritu? Yisaka diyatuñaña mukala nawa yisaka yawaIsarela yajimbesheli wubwambu wawu naNzambi. Kuhosha hohu chalala nyitu yayisaka yalondeleleña wanyi wulomboli waYehova wekala haKuhituluka 6:5-7.

Yipompelu yetu makonu yakolaña neyi chakwila yisaka yakola kuspiritu. Nyitu yayisaka yinateli kukwasha yisaka yawu kumwanuka Yehova kuhitila mukwikala nandandanda yayiwahi yaKudifukula kwaChisaka. (Mas 22:27) Hanyima yakutala vidiyo “yaThese Words . . . Must Be on Your Heart”—Family Interviews, akulenu awa malwihu:

• Indi yisaka yikwawu yinatweshi ñahi kumanisha kukala kwakañeshaña kudifukula kwachisaka?

• Yumanyi yayiwahi yafumaña mukwikala nandandanda yayiwahi yaKudifukula kwaChisaka?

• Neyi mpinji yakudifukula yinashiki dehi, kukalanyi kunekalaña naku nawa nateli kukwimanisha ñahi?