Munateli Kuyikolesha akwaKristu Azeya

Hachiyedi, April 11, akwaKristu amavulu azeya akenza kuChanukishu. Atachikili kutemuka lufuchi lwakuwumi ilaña alekeli muloña wakukala kwakuvulu, kukala kukwawu akwishimuna mubuloshuwu yaFuntenu Kudi Yehova. (Heb 12:1) Hela chochu, antu azeya alema kudi Yehova muloña wayilandili namashi aMwanindi. (Yil 20:28; 1 Pe 1:18, 19) Tunateli kuyikwaha ñahi hakwila afunti kuchipompelu?

Aeluda amuchipompelu ayikeñakeñaña nikuyikwasha akwaKristu azeya, neyi chochakeñakeñañayi kabiña mukoku wunambuki hamukanka. (Luk 15:4-7) Chumichi chamwekeshaña kukeña kukwetiyi Yehova. (Yer 23:3, 4) Wejima wetu tunateli kuyikolesha antu azeya, bayi neyi aeluda hohuku. Yehova watiyaña kuwaha neyi tumwekeshela akwetu luwi nawa nateli kutukiswila. (Yis 19:17; Yil 20:35) Dichi, toñojokenuhu muntu imunateli kukolesha nawa mukwashenu chakadi kulaba.

TALENU VIDIYO YAENCOURAGE THE INACTIVE ONES, KUHIÑAHU AKULENU AWA MALWIHU ANALONDELIHU:

• Chumanyi cheliliyi Abbey hampinji yahumañeniyi Chinsahu wabulili kwilukayi?

• Muloñadi wutwatela kuyilejamu aeluda neyi tunakukeña kukwasha muntu wazeya?

• Indi Abbey wadiloñesheli ñahi kuya nakumwendela Laura kamuchiyedi?

• Abbey wamwekesheli ñahi muchima wakutatakena, kudiwunjika nikukeña hampinji yamukolesheñayi Laura?

• Yumanyi yitunateli kudizila kuchishimu chaYesu chekala hamukanda waLuka 15:8-10?

• Yumanyi yayiwahi yafuminimu chelili azati nañovu hakumukwasha Laura?