“Lemeshaku Tata Yeyi niMama Yeyi”

Hampinji yadiñayi Yesu hamaseki, wakonkomweneni halushimbi lwakwila nawu: “Lemeshaku tata yeyi nimama yeyi.” (Kwi 20:12; Mat 15:4) Yesu wahosheli awa mazu muloña “watwalekelihu kuyovwahila” anvwali jindi hadiñayi kansi. (Luk 2:51) Chakuliliyi, wakeñeli muntu wakuhemba mama yindi neyi yena nafwi dehi.—Ywn 19:26, 27.

Munanu mafuku, atwansi akwaKristu ovwahilaña anvwali jawu nawa ahoshaña nakavumbi amwekesha nawu alemesha anvwali jawu. Kafwampi, twatela kulondela lushimbi lwakulemesha anvwali jetu mpinji yejima. Hela chakwila anvwali jetu anashinakaji dehi, twatela kutwalekahu kuyilemesha nikuhetela mumaana awu. (Yis 23:22) Twalemeshaña cheñi anvwali jetu anashinakaji dehi kuhitila mukuyakamena kumujimba. (1 Ti 5:8) Chili tudi tuchidi atwansi hela twakula dehi, kuhanjeka nawanvwali jetu munjila yayiwahi diyi njila yakuyilemeshelamu.

TALENU VIDIYO YANYEVULU YAKUFUNJEKA YINAKUHOSHA NAWU NATELI KUHOSHA ÑAHI NAWANVWALI JAMI?KUHIÑAHU AKULENU MALWIHU ANALONDELIHU:

• Muloñadi chichinateli kukukalila kuhanjeka nawanvwali jeyi?

• Wunateli kuyilemesha ñahi anvwali jeyi neyi wunakuhosha nawu?

  

• Muloñadi chiwatela kuhanjekela nawanvwali jeyi? (Yis 15:22)