Hela Chipandakenu hichemeneneñaku Chanukishuku, kudi yuma yitwadizilañaku. Chakutalilahu, kapostolu Pawulu wamuteneni Yesu nindi “mwana kamukoku wetu waChipandakenu.” (1Ko 5:7) Neyi chayikuliliwu antu namashi amwana kamukoku alambiliwu hayipamba, mashi aYesu niwena dichakulañawu antu. (Kwi 12:12, 13) Kwosi ifwaha damwana kamukoku waChipandakenu dakotweleñawuku. Munjila yoyimu, kwosi ifwaha nidimu daYesu dakotweliwuku, hela chakwila dichelileñawu neyi anajahi muntu.—Kwi 12:46; Ywn 19:31-33, 36.