Kuzatisha Intaneti—Tondolwelenu Yuma Yikuyiletela Kukala

CHICHALEMENA: Neyi chekala yozelu yikwawu, intaneti yinateli kutukwasha hela kutuletela kukala. AkwaKristu amakwawu afuukulahu kubula kuzatisha intaneti. Amakwawu azatishaña intaneti kulonda ahanjekeña nawantaña niamabwambu jawu. Hela chochu, Diyabolu nakukeña nindi tuzatisheña intaneti munjila yatama, yinateli kutamisha yilwilu yetu yayiwahi hela kumanisha wubwambu wetu naYehova. Kufwana Yesu, tunateli kuzatisha yishina yekala Mwizu daNzambi hakwiluka yuma yatama yekalamu kulonda tuyitondolweli.—Luk 4:4, 8, 12.

YUMA YITWATELA KUTONDOLWELA:

• Kusweja kuzatisha intaneti. Kuzatisha intaneti hampinji yayilehi kunateli kutukañesha kwikala nampinji yakwila yuma yalema yakuspiritu.

  Yishina yamuBayibolu: Efw 5:15, 16; Fwp 1:10

• Kutala yuma yatama. Kutala nyevulu yatama kunateli kutuletesha kutachika kutala nyevulu yanzekesi hela kwila wuvumbi. Kutaña nyikanda hela kutala yuma yahoshañawu akwakusekesha kunateli kuzeyesha chikuhwelelu chetu.

  Yishina yamuBayibolu: Mat 5:28; Fwp 4:8

• Kutudika nsañu hela nyevulu yabula kutelela. Chineli muchima wadimbanaña, muntu nateli kutudika nsañu hela nyevulu yabula kutelela haintaneti. Hela chochu, kwila yuma yamuchidiwu kunateli kutamisha yilwilu yindi yayiwahi hela kuzeyesha chikuhwelelu chindi.

  Yishina yamuBayibolu: Rom 14:13; Efw 4:29

TALENU VIDIYO YINAKWILA NAWU ZATISHENUÑA CHIWAHI INTANETI, KUHIÑAHU HANJEKENU CHIMUNATELI KUTONDOLWELA YUMA YIDI HESHINA