Amabwambu Amuchidinyi Imukweti haIntaneti?

Ibwambu “himuntu wunadikundi namukwawu muntu muloña wakumukeña nikumutiya kuwaha.” Chakutalilahu, Yonatani naDavidi ekalili nawubwambu wezala kambuki namunu hanyima yakwila Davidi namujahi Goliyati. (1Sa 18:1) Wejima wawu ayedi amwekesheleña yilwilu yayiletesheli adikundi chikupu. Wubwambu wakolaña neyi wiluka chekalayi mukwenu. Chakeñekaña mpinji niñovu hakwila mudiluki. Ilaña haintaneti munateli kukwata “wubwambu” namuntu imwabula kwiluka mukapinji kantesha hohu. Chineli antu haintaneti atoñojokeleña chadimu nsañu yikuhoshawu nawa adimwekeshaña neyi hiyantu amawahi, chakalaña kuyiluka chekalawu. Dichi twatela kusoñama hakutonda amabwambu. Bayi mutoñojokaña nenu neyi mubula kwiteja antu imwabula kwiluka anakukeña kwikala amabwambu jenu haIntaneti mukuyineñeshaku. Hamuloña wakukala kwafumañamu, amakwawu afuukulahu kubula kujizatisha. Ilaña neyi munafuukulihu kujizatisha yumanyi yimwatela kwanuka?

TALENU VIDIYO YAZATISHENUÑA CHIWAHI INTANETI, NAWA AKULENU AWA MALWIHU:

• 

  Yumanyi yimwatela kutoñojokahu henohu kanda mutudiki nyevulu hela nsañu yimunakutoñojoka?

• 

  Muloñadi chimwatela kwikala asoñama hakutonda amabwambu haIntaneti?

• 

  Muloñadi chimwatela kubula kumanishila mpinji yeneni haIntaneti?​—Efw 5:15, 16