Webu Sayiti Yetu—Yizatishenuña Hakudiza Nkawenu nihaKudiza kwaChisaka
Tañenu Magazini Yakatataka haIntaneti: Tañilenu Kaposhi Kakutalila niAwake! haIntaneti hadi nyilungu yayivulu henohu kanda mutambwili makopi akupulinta muyipompelu. Tiyililenu cheñi nsañu yidi mumagazini yakukwata mumazu.—Yenu ha “Nyikanda/Magazini.”
Tañenu Nsañu Yidi Hohu haWebu Sayiti: Nsañu yikwawu yidi neyi “Chibaaba chawaTwansi,” “Yuma Yinadizi muBayibolu,” “Nsañu Yakuhanjeka naChisaka,” “niMalwihu Ehulañawu Atwansi,” ichi yikwikalaña hohu haWebu sayiti yetu. Yenu haIntaneti kulonda mutañi iyi nsañu yikwawu hampinji yakudiza nkawenu nihakudiza kwachisaka.—Yenu ha “Ntañishilu yaBayibolu/Anyana hela Ntañishilu yaBayibolu/Atwansi.”
Tañenu Nsañu Yayiha: Tañenu yileji yayiwahi niyuma yamwekeni nawa talenu tumavidiyo twatwihi tunakumwekesha chinakwenda mudimu wetu mukaayi kejima. Yileji yinakushimuna hawubanji wadimwekenaña nimakabisha yinateli kutukwasha kutena amana kwetu anakukabakana mukulomba. (Yak. 5:16)—Yenu ha “Nyuzi.”
Sandujolenu Kuzatisha Layibulali yahaIntaneti: Neyi mukweti iyi layibulali haIntaneti mwidimi denu, zatishenu kompyuta hela ikina dakwenda nachu kulonda musandujoli munyikanda yetu yakatataka.—Yenu ha “Nyikanda/Layibulali yahaIntaneti” hela sonekenu www.wol.jw.org heluña dakusandujolila makeyala ahaIntaneti.
[Dayagiramu yidi hefu 4]
(Neyi munakukeña kumona ntanjikilu yejima talenu mumukanda)
Esekenu
1 Chintenu hamwevulu hela habatani ya “Loñololenu.” Mwevulu wukumwekana heluña hamwekenaña chipapilu cha PDF. Pulintenu nawa mwinkenu mwanenu chipapilu kulonda yawani ñakwilu.
2 Chintenu ha “Vumishenu” kulonda mutali vidiyo.