Neyi Munakukeña Nyikanda Yaswayi Swayi Yamwidimi Dakwituña Dacheñi
Mpinji yikwawu twawanaña antu akeñaña kutaña nyikanda yetu mwidimi dakwituña dacheñi nawa chipompelu chetu hichekalaña nanyikanda yakeñañawuku. Muneluki nenu neyi mweluka chakuzatisha Intaneti nipulinta, munateli kupulinta nyikanda mumadimi akushika ku 400? Ichi dichimwatela kwila:
• Yenu haKeyala yetu yahaIntaneti yatwitejawu ya, www.watchtower.org.
• Kukabadi kachidiilu kefu dadeni kudi ndandanda yamadimi abula kumanishawu. Kilikenu hamwevulu wamadimi ejima aduhu.
• Kilikenu hedimi dimunakukeña. Hakwinza ifu dinakumwekesha nyikanda yimwatela kupulinta, chidi neyi matilakiti, mabuloshuwa, niyibaaba. Chineli hanidi ifu asonekahu idimi dimunatondi, bayi mwakamaku neyi mukañanya kwiluka nyitu yidihu.
• Kilikenu hadi hejima. Nsañu yimunakukeña yikumwekana hasikilini nawa munateli kuyipulinta kuzatisha kachuma kakusandujola nachu.
HaKeyala yetu yahaIntaneti hekala hohu nyikanda yantesha; mwatela kutambula nyikanda yikwawu kuhitila muchipompelu. Neyi kudi nyikanda yimunakukeña, mwatela kusonekesha nyikanda hasonekeshelañawu.