Webu Sayiti Yetu—Yizatishenuña Mumudimu Wakushimwina
Lejenuña Antu Azatisheña Webu Sayiti: Antu amakwawu ashintajalaña kuhosha hela kutambula nyikanda yetu, ichi anakukeña nankashi kuyiluka aYinsahu jaYehova kuhitila mukuzatisha jw.org mumatalawu. Dichi lejenuña antu kala mpinji nenu azatisheña Webusayiti yetu.
Akulenu Malwihu: Mpinji jikwawu, mwiniitala, muntu wukweti mpwila hela imwadiluka nindi nateli kuyihula nindi mumuleji chekalawu aYinsahu jaYehova hela yuma yitwakuhwelela. Mulejenu ñakwilu hohenohu kuhitila mukuzatisha Intaneti yahanshiña hela kompyuta. Chikuwaha neyi mukutaña nsona jinatenuwu muBayibolu yimukweti. Neyi himukweti Intanetuku, mulumbulwilenu chatela kuzatishayi jw.org kulonda yawani ñakwilu yomweni.—Yenu haWebu sayiti, talenu ha “Ntañishilu yaBayibolu/Malwihu amuBayibolu Anayakuli” hela “Akundama Kudi Etu/Malwihu Avula Kwihulawu.”
Temeshelenu Muntu Imweluka Chibaaba Hela Mukanda: Temeshenu haIntaneti PDF hela EPUB yimunaloñololi. Hela loñolwelenu haCD mukanda wakwatawu mazu. Neyi muloñolola haIntaneti mukanda wamukuma, buloshuwa hela magazini nakumwinka muntu wabula kupapatishewa, munateli kuchinda nenu munahani mukanda. Bayi mutemesha nsañu yayivulu chikupu hela chakubula kushimuna ijina denuku. Nawa bayi musha nsañu yeniyi haWebu sayiti yacheñuku.—Yenu ha “Nyikanda.”
Mulejenu Nsañu yawaYinsahu jaYehova Yinamwekani Katataka: Chumichi chikukwasha atudizi aBayibolu niantu amakwawu imwendelaña kulemesha nankashi mudimu wetu wamukaayi kejima nikunuñañana kwetu kwawakwaKristu. (Mas. 133:1)—Yenu ha “Nyuzi.”
[Dayagiramu yidi hefu 5]
(Neyi munakukeña kumona ntanjikilu yejima talenu mumukanda)
Esekenu
1 Mwishina hanasonekuwu nawu “Nyikanda,” sakulenu chuma chimunakukeña kuloñolola, chintenu habatani yansona hela yamazu akukwata dehi imunakukeña.
2 Chintenu ▸ batani ya MP3 kulonda mumoni yibaaba yiduhu. Chintenu hamutu wachibaaba neyi munakukeña kuloñolola hela kutiyilila haIntaneti.
3 Sakulenu idimi dikwawu hohenaha neyi munakukeña kuloñolola mukanda munodu idimi.