Webu Sayiti Yetu—Anayituñi Kulonda Yitukwasheña niKukwasha Amakwawu
Yesu watwinkeli mudimu wakushimwina nsañu yayiwahi yaWanta “mwahita matuña ejima mwashakamawu antu, kulonda yakayilili nyuza yejima wunsahu.” (Mat. 24:14) Hakwila atukwashi kulonda ‘tukalakali chikupu mudimu wetu wakushimwina,’ Webusayiti ya watchtower.org, jw-media.org, ni jw.org anayibombi nakuyituñulula kulonda yikali jw.org.—2 Tim. 4:5.
“Mwahita Matuña Ejima”: Antu amavulu makonu anakuzatisha Intaneti. Yinekali chitwa chacheni chinakukwasha antu kwiluka nsañu, sweje-e atwansi. Webusayiti yetu yakwashaña antu azatishaña Intaneti kuwana ñakwilu yalala yamalwihu amuBayibolu. Yayikwashaña kwiluka chekala kuloñesha kwaYehova nawa chayipelelaña kwihula neyi anakukeña kudiza Bayibolu hetala chawana. Yaleñelaña nsañu yayiwahi kushika kumaluña amukaayi kwekala antu abulahu dehi kutiya nsañu yaWanta.
“Nyuza Yejima”: Hakwila nawu tushimwini wunsahu ‘kunyuza yejima,’ twatela kushimwina chalala chamuBayibolu mumadimi ashiyashana. Antu ayaña haWebu sayiti ya jw.org anateli kuwana nsañu mumadimi akushika ku 400, yabadika maWebu sayiti ejima.
Yizatishenuña Chachiwahi: Webu sayiti yinatuñululuwu ya jw.org bayi neyi yakuzatisha hakushimwina antu abula kwitiya hohuku. Anayituñi kulonda aYinsahu jaYehova niwena ayizatisheña. Neyi mwazatishaña Intaneti, tunayikoleshi netu mwiluki chidi Webu sayiti ya jw.org. Njila jinalondeluhu jikuyikwashaku kwiluka mwakuyizatishila.
[Dayagiramu yidi hefu 3]
(Neyi munakukeña kumona ntanjikilu yejima talenu mumukanda)
Esekenu
1 Sonekenu www.jw.org heluña dakusandujolila makeyala ahaIntaneti hakompyuta yenu.
2 Sandujolenu kuhitila mukuchinta hachibalu chanyitu, yuma yimunakukeña, nikusokankesha.
3 Esekenu kuzatisha jw.org haIntaneti yahaselufoni yenu. Ifu dinateli kukeha kulonda desekani nasikilini yanyanya, ilaña nsañu yoyimu.