Zatishenu jw.org muMudimu Wenu Wakushimwina—“Ikalenu Amabwambu jaYehova”

Chibalu chakwila nawu “Bible Teachings” chaha jw.org hekala nsañu yawatwansi yatenañawu nawu “Ikalenu Amabwambu jaYehova” hadi tumina, mavidiyo niyuma yakwila. Komana mwazatishahu dehi iyi nsañu mumudimu wenu wakushimwina? Neyi munakudiza Bayibolu nanvwali wukweti anyana anyanya, komana kwila mumuleja iyi vidiyo nehi? Chumichi chikumuleñela kusandujola nsañu yikwawu ha Webu sayiti yetu.

Hakuhana tilakiti yaNsañu yaWanta Na. 38, manakwetu wumu wabulakeni mumbanda, chamwinkeliyi tilakiti watachikili kuyitaña hohenohu. Wadiña nawanyana anyanya akeñeleña kutala tilakiti. Manakwetu wamulumbulwili chantesha yuma yidihu nawa wayilejeli keyala ya Webu sayiti yetu yidi kunyima. Chelili iwu wamumbanda wamwekesheli mpwila, manakwetu wamumwekeshileli vidiyo yaNsanji hamu nawanyanindi hanshiña yindi.

Muhela walejeli mukwawu wazatañayi nindi wukweti anyana anyanya haWebu sayiti yetu ninsañu yayisaka yekalahu. Mumbanda wayili ha jw.org nawanyanindi. Kuhiñahu, wamulejeli muhela nindi anyanindi anyeñumukaña itala iku anakwimba nawu “Shimwina,” kamina kekala muvidiyo ya “Ikalenu Amabwambu jaYehova.”

Ilukenu nsañu yaha jw.org nikuloñolola mavidiyo, tumina niyuma yakwila hanshiña yenu. Dichi mukwikala adiloñesha kuzatisha ichi chibalu chaha jw.org mumudimu wakushimwina. Ichi hichozelu chachiwahi chikutukwasha kumukalakela Mwanta.—Yil. 20:19.