CHATELA KUSHAKAMAWU AKWAKRISTU

Yenuña ha JW.ORG Kulonda Muwani Nsañu Yikuyikwasha Muchihandilu

Izu daNzambi datukwashaña kuumika kukala kutunakumona munanu mafuku akukuminina. (2Ti 3:1, 16, 17) Mpinji yikwawu chinateli kutukalila kuwana yishina yinateli kutukwasha kumanisha kukala kutukweti. Chakutalilahu, komana mudi anvwali nawa munakukeña kwiluka chakuhemba anyana chiwahi? Komana muchidi kansi nawa munakukeña kwiluka chimunateli kumanisha kukala kunakweseka chikuhwelelu chenu? Mwafwisha mwinikwenu nawa munakukeña kwiluka chimunateli kwila hakwila mukeheshiku chineñi? Hawebu sayiti yetu ya jw.org mukuwanahu nsañu jayivulu jashindamena hansona jamuBayibolu jinateli kuyikwasha mukukala kwamuchidiwu nikukala kukwawu.—Yis 2:3-6.

Webu sayiti ya jw.org yinashinkwiliwu hachozelu. Hadi kamufunda anasonekihu nawu CHADIZISHAÑA BAYIBOLU.

Yenu ha jw.org hakutachikila, nawa yenu hanasonekiwu nawu CHADIZISHAÑA BAYIBOLU. (Talenu mwevulu 1.) Kuhiñahu sakulenu mutu wansañu wumunakukeña. Hela yenu hanasonekiwu nawu NYIKANDA YIDIHU > YIBAABA nawa sakulenu mutu wansañu wumunakukeña. (Talenu mwevulu 2.) Iyi nsañu munateli cheñi kuyitañila mu JW Library^®.a Neyi muya ha web sayiti yetu hela mu JW Library^® iyi yibaaba mukuyikañenyaku tuhu. Njila yikwawu yapela yikuyikwasha sonekenu mukachikasha kakukeñela nsañu ha jw.org.

Webu sayiti ya jw.org yinashinkwiliwu hachozelu. Hadi kamufunda anasonekihu nawu NYIKANDA YIDIHU nawa hamuchiyedi anasonekihu nawu YIBAABA.

Munateli kusonekamu nyitu yansañu yidi neyi iyi, nawa mukusakulahu yimunakukeña kutaña.

Chakukulisha anyana
Chakumanisha chineñi chahitañamu atumpululu
Chakwila neyi munafwishi mwinikwenu

a Neyi munakukeña kutaña yibaaba yikwawu mukuyiwana hawebu sayiti yetu ya jw.org.