Muloñadi Chitwatela Kupalañena Swayi?

Neyi tunapompi hakuhumañana kwakuya mumudimu wamwiha, twekalaña nawamanakwetu niahela nawa twakeñaña kuhanjeka. Hela chochu, neyi kuhumañana kunamani, twatela kupalañana swayi nakuya mwiluña dakushimwina. Mudimu Wetu wakushimwina wakunyakashana. (2 Tim. 4:2) Neyi tubula kuya swayi, tukushimwina hohu mpinji yantesha. Tukwikala nampinji yeneni yakuhanjeka nakudikolesha nawakwetu akwakushimwina neyi tuzata nawu mumudimu wakushimwina. Kuya swayi mumudimu wakushimwina chakubula kulaba kwamwekeshaña nawu tunakudikita hampinji yitunakumukalakela Yehova niMwanindi.—Rom. 12:11.