Zatishenuña Webu Sayiti Yetu muMudimu Wakushimwina—“Malwihu amuBayibolu Anayakuli”

Ha jw.org hekala mutu wunakuhosha nawu “Ntañishilu yaBayibolu” henaha hadi chibalu chinakwila nawu “Malwihu amuBayibolu Anayakuli.” Neyi twiluka awa malwihu ehulañawu antu mpinji yejima, tunateli kuya nawenimatala haWebu sayiti yetu kulonda awani ñakwilu yamuNsona. Awa malwihu tunateli kuyizatisha cheñi hakutachika kuhanjeka nawantu mumudimu wamwiha. Tunateli kuzatisha lwihu lunateli kusañumuna antu mwiluña detu dakushimwina, yihulenu chinakutoñojokawu hansañu yimunakuhanjeka nawa yilejenu chahosha Bayibolu neyi chinayilumbululiwu ha jw.org. Kuhiñahu, tunateli kuyileja kutwawana nsañu yitunahanjekeña. Njila yikwawu yimunateli kuzatisha hikumuleja yomwenindi yaditañili ñakwilu haWebu sayiti. Ñoda nkoñi wendaña wazataña chiwahi neyi yahosha nindi: “Antu amavulu adihulaña nawu, ‘komana twatela kumutwika Nzambi muloña hamakabi itunakumona?’ Komana mukukeña niyileji ñakwilu mujisekondi 51?” Kuhiñahu wavumishaña mazu akukwata dehi hafoni yindi aloñolweliyi anakwakula lwihu. Wakunkululaña kuhanjeka nakuleja mwiniitala kapetulu 11 kamukanda waChatañishaña Bayibolu.