Zatishenuña jw.org/lun Hakushimwina

Webu sayiti yetu hichitwa cheneni chinakutukwasha kutandisha nsañu yayiwahi kushika “nikwakumina maseki.” (Yil. 1:8) Enimatala amavulu akañanyaña kuwana jw.org/lun nkawawu. Ayilukaña hohu neyi mukwakushimwina yayileja.

Nkoñi wumu wendaña waloñolwela vidiyo yaMuloñadi Wutwatela Kudizila Bayibolu? hanshiña yindi nawa wayitalishaña neyi nawani antu. Chakutalilahu, neyi nayi nakushimwina kwitala nikwitala, wahoshaña nindi: “Inakwendela antu hakapinji kanti kulonda niyikwashi chakuwana ñakwilu yamalwihu alema asatu: Muloñadi kukala chikunaswejeli mukaayi? Indi Nzambi wakakwimanisha ñahi? Tunateli kuumika ñahi naniku kukala chayinu mpinji? Iyi vidiyo yayihi yinakuli awa malwihu.” Yachinta nihabatani yakuvumishilahu kulonda yamoni chikwilayi mwiniitala. Iyi vidiyo yidi nekoku dadeni chakwila antu amavula azanzaña hohu mesu hasikilini nichiyikumana. Kufumahu nkoñi wendaña nindi: “Munaditiyili nawu munateli kusoneka haIntaneti neyi munakukeña kudiza Bayibolu. Chineli tudi hamu, nateli kuyileja chitwadizaña.” Neyi mwiniitala yeteja, wamulejaña chakudizaña kuzatisha buloshuwa yaNsañu Yayiwahi. Neyi mwiniitala wudana mpinji, wamushikaña ifuku dakafuntayi kulonda yakamuleji chakudiza. Chayayi nakunwa kofi mwitala mwalandishañawu kofi, wahoshaña namuntu wunashakamiyi nindi kwakwihi hanyima yakutachika mpanji. Anenu nawa munakuzatisha jw.org/lun hakushimwina?