CHATELA KUSHAKAMAWU AKWAKRISTU
Twalekenuhu Kutalila naKuumika
Munatalili Wanta waNzambi yaaka yiñahi? Komana munakuumikaña hichikweti muloña nakukala kumwamonaku? (Rom 8:25) A Yinsahu amakwawu ayihelaña, ayikabishaña, ayikasaña mukaleya amakwawu akeñaña nikuyijaha. Amakwawu anakuumika yikatu yabulaña kumana hela wushinakaji.
Yumanyi yinateli kutukwasha kutalila chikupu neyi tunakumona kukala? Twatela kudiza Bayibolu nikutoñojokahu mpinji yejima kulonda tukoleshi chikuhwelelu chetu. Twatela kuchiñejaña. (2Ko 4:16-18; Heb 12:2) Twatela kulomba kudi Yehova nakumulembelela kulonda yatwinki spiritu yajila. (Luk 11:10, 13; Heb 5:7) Tata yetu wukweti kukeña nateli kutukwasha kuumika “chikupu nakuwunda nimuzañalu.”—Kol 1:11.
TALENU VIDIYO, TWATELA ‘KUTEMUKA NAKUUMIKA’—KUHWELELENU NENU MUKATAMBWILA WUFWETU, KUHIÑAHU AKULENU MALWIHU ANALONDELIHU:
Yumanyi yitunateli ‘kululakana’ nayu muchihandilu? (Mkw 9:11)
Kulomba kukutukwasha ñahi neyi tumona kukala?
Neyi tukutwesha wanyi kumukalakela Yehova neyi chitwelileña, muloñadi chitwatelela kusha maana hayuma yitukutwesha kwila?
Shenu muchima hawufwetu
Yumanyi yikuyikwasha kutambwila wufwetu?