Kuwahisha Njila Jetu Jakushimwinamu​—Kuleka Kudiza Nawatudizi Anakubula Kuyilaku Hambidi

CHICHALEMENA: Antu atela kutambika hejina daYehova kulonda akayamwini. (Rom 10:13, 14) Ilaña bayi neyi muntu wejima wukwiteja kudiza Bayibolu wukwovwahilaña nshimbi jaYehovaku. Twazatishaña chiwahi mpinji yetu mumudimu wakushimwina kuhitila mukukwasha anakukeña kuhimpa yilwilu yawu kulonda amukalakeleña Yehova. Neyi kadizi waBayibolu nakuyilaku wanyi hambidi hanyima yakudiza nindi mafuku amavulu, twatela kusha maana kudi antu anakukeña kuswina kwakwihi naYehova nikuloñesha kwindi. (Ywn 6:44) Hela chochu, neyi owu muntu yamwekesha cheñi mpwila “yakukeña kwikala nawumi wahaya nyaaka,” tunateli kutachika cheñi kudiza nindi.—Yil 13:48

YUMA YIMWATELA KWILA:

• Musakililenu kadizi chafwilileñayi kudiza chalala.—1Ti 2:4

• Mukonkomwenenu kulema kwakuzatisha yuma yinadiziyi.—Luk 6:46-49

• Hanjekenu nindi mumesu awunda chishimu chaYesu chamukwakukuwa nawa mwihulenu chinakumufuntisha hanyima.—Mat 13:18-23

• Mukubabala, mulumbulwilenu chimunakulekela kudiza nindi

• Mulejenu nenu mukumwendelaña chakamu nakamu kulonda mwakatachiki kudiza nindi neyi yashaku muchima

TALENU VIDIYO KUHIÑAHU AKULENU MALWIHU ANALONDELIHU:

• Yumanyi yimunadizili kukuhanjeka kunamwekesheña kadizi wunakubula kuyilaku hambidi kuspiritu?

• Chumanyi chelayi mukwakushimwina kulonda kadizi yashiku muchima?

• Chumanyi chelayi mukwakushimwina kulonda yamukwashi kadizi kutachika cheñi kudiza?