Fwilenuña maShikola aWanta

CHICHALEMENA: Ntañishi Wabadika, Yehova, watwinka mashikola amawahi nankashi. Watudizishaña chawaana chakuwahisha chihandilu chetu nikutuloñeshela yuma yayiwahi yakumbidi! (Isa 11:6-9; 30:20, 21; Chi 22:17) Yehova wazatishaña cheñi mashikola aWanta hakutudizisha chitunateli kwikala ashikilamu kushimwina nsañu yakupulwisha mawumi awantu.—2Ko 3:5.

YUMA YIMWATELA KWILA:

• Ikalenu adizoza nawa adikehesha.—Ms 25:8, 9

• Itejenuña yuma yinakuyidizishayi Yehova makonu, chidi neyi mpanji yamushikola yekalañaku mukachi kamulungu

• Toñojokenu chimunateli kumukalakela Yehova chikupu.—Fwi 3:13

• Dihanenu chikupu kulonda mushikihu kudiza nyidimu yikwawu.—Fwi 3:8

TALENU VIDIYO YA MAHETA AKUSPIRITU AFUMAÑA MUYUMA YATUDIZISHAÑAYI YEHOVA, NAWA AKULENU MALWIHU ANALONDELIHU:

• Kukalanyi kwashindiliwu akwakushimwina amakwawu hakwila ayi kuShikola yawakwaKushimwina aWanta?

• Shikola yawakwaKushimwina aWanta yadizishañadi?

• Antu amuchipompelu akwashili ñahi amanakwetu niahela amanishili shikola hakwila azati nyidimu yayinkeliwu?

• Yumanyi yakeñekaña hakwila muntu yayi kuShikola Yawakwakushimwina aWanta? (kr 189)

• Nyidimwinyi yikwawu yimunakufwila kudiza mukuloñesha kwaYehova?