Komana Munakukeña Kuya kuShikola Yawakwakushimwina aWanta?

Mudi nayaaka 23 nakushika ku 65? Mudi mumudimu wampinji yejima? Mwakola kumujimba, chakwila munateli kuya nakuzatila kudi kukaankila? Neyi mwakula nenu eña, munakutoñojokahu wanyi kusoneka fomu yakuya kuShikola Yawakwakushimwina aWanta? Kufuma tuhu hatachikili iyi shikola adisumbula, amanakwetu niahela ajiki ayaña kuniyi shikola. Hela chochu, amanakwetu ajiki anakukeñeka kuniyi shikola. Mulombenu Yehova kulonda yayikwashi musweji kwikala neyena dakumukalakela nikumwimbujola Mwanindi. (Ms 40:8; Mat 20:28; Heb 10:7) Keheshenuku yuma yakumujimba kulonda mushikihu kuya kuniyi shikola.

Kukoolekanyi kukwetiwu amanakwetu niahela anakufuma kuniyi shikola? Amakwawu anayitemeshi kuya nakuzatila kumaluña kwahoshañawu madimi acheñi hela kuya nakuzata mudimu wadimena, kushimwina najingolofwana. Amakwawu azataña wunkoñi wañinza wakukwasha, wunkoñi wañinza hela wumishonali. Chimukutoñojokaña chikupu hayuma yimunateli kwila mumudimu waYehova, ikalenu namuchima neyi wadiña nakaprofwetu Isaya wahosheli nindi: “Yami onu! Ntemeshi ami!”—Isa 6:8.

TALENU VIDIYO AMISHONALI AKWAKUKALAKALA MUMUDIMU WAKUMUNA, NAWA AKULENU AWA MALWIHU:

• 

  Amishonali ayitondaña ñahi?

• 

  Mudimwinyi wawuwahi wazatañawu amishonali?

• 

  Yumanyi yayiwahi yafumaña mumudimu wawumishonali?