“Iseki” Daminini “Kaloña”

Kufuma tuhu kunyima, akwañovu janfulumendi akwashaña antu jaYehova mpinji yikwawu. (Ezr 6:1-12; Esi 8:10-13) Nimakonu, tunakumona “Iseki”—ñovu yekala nawantu yakuyula mumatuña amboka-mboka—dinakuminya “kaloña” kayihuñu kapumbiliyi “chazañombi,” Satana Diyabolu. (Chi 12:16) Yehova, ‘Nzambi yetu wapulwishaña,’ mpinji jikwawu nateli kuzatisha akwañovu kulonda yakwashi antu jindi.—Ms 68:20; Yis 21:1.

Mukwila ñahi neyi ayikasa muloña wachikuhwelelu chenu? Bayi mutoñojoka nenu Yehova nayishiyiku. (Kut 39:21-23; Ms 105:17-20) Ilukenu nenu akayikiswila muloña wachikuhwelelu chenu nawa kanshinshi kenu kanakukolesha amanakwetu mukaayi kejima.—Fwi 1:12-14; Chi 2:10.

TALENU VIDIYO, AMANAKWETU MUKOREA ANAYIFUMISHI MUKALEYA, NAWA AKULENU AWA MALWIHU:

• Muloñadi amanakwetu amavulu chayikasililiwu mukaleya muSouth Korea hadi yaaka yinahitihu?

• Nshimbinyi yashiliku akwañovu yaletesheli amanakwetu amakwawu ayidishi mukaleya henohu tukweji twayipimininiwu kanda tushikili?

• Tunateli kukwasha ñahi amanakwetu mukaayi kejima adi mutuleya muloña wachikuhwelelu chawu?

• Tunateli kuzatisha ñahi kusubuka kwetu kutukweti?

• Hinyi watukwashaña hakwila tuyiñi nanyiloña kuyota?