CHATELA KUSHAKAMAWU AKWAKRISTU
Lombelenuñaku akwaKristu Anakuyandishawu
Bayibolu yashimwineñahu dehi nawu Satana wakatuyandisha kulonda kukañesha mudimu wetu wakushimwina. (Yow 15:20; Chi 12:17) Tunateli kukwasha ñahi akwetu akwaKristu anakuyandishawu mumatuña amakwawu? Twatela kuyilombelaku. “Kulomba kwakulembelela kwamuntu waloña kwekala nañovu chikupu.”—Yak 5:16.
Yumanyi yitwatela kuyilombelaku? Twatela kumulomba Yehova yayinki amanakwetu nawahela wuswa wakuhamuka nikuyikwasha kulonda abuleña kutiya woma. (Isa 41:10-13) Twatela cheñi kuyilombelaku akwanshimbi hakwila abuleña kukañesha mudimu wakushimwina, “kulonda tushakameña kumatu kwamwena nimukuwunda.”—1 Ti 2:1, 2.
Chayiyandishiliwu aPawulu naPetulu, akwaKristu amuyaaka nkulakaji yakusambila ayiteneni hamajina hampinji yiyayilombeleliku. (Yil 12:5;Rom 15:30, 31) Hela chakwila tuneluki wanyi majina awantu anakuyandishawu makonu, kwila tutena yipompelu, ituña hela maluña awu nehi?