Kuwahisha Njila Jetu Jakushimwinamu​—Chakuya haJW.ORG

CHICHALEMENA: Mukanda wejima muChikasha chetu Chayozelu walombolaña hajw.org. Nkeñelu yayeni yakaadi nitilakiti yaKudihi Kutunateli Kuwana Ñakwilu Yamalwihu Atukabishaña Nankashi? yakulombola antu hawebusayiti yetu. Munateli kuhana mukanda kufuma muchikasha chetu kuzatisha jw.org kuhitila mukutemesha mukanda wahainternet hela kutemeshela muntu linki. Chumichi chinateli kuyikwasha nankashi neyi munakushimwina muntu wahoshaña idimi dacheñi. Kubombelahu, antu anateli kwihula malwihu abula kwakulahu munyikanda yekala muChikasha chetu Chayozelu. Neyi tuya hawebusayiti, tunateli kuzata chiwahi nankashi mudimu wetu wakushimwina.

YUMA YIMWATELA KWILA:

• 

  Yenu hanasonekiwu nawu “BIBLE TEACHINGS.” Twili netu munakushimwina nvwali wunakukeña nsañu yahosha hachakukulisha anyana. Yenu hanasonekiwu nawu BIBLE TEACHINGS > MARRIAGE & FAMILY.

• Yenu hanasonekiwu nawu “NYIKANDA.” Twili netu munakushimwina kushikola nawa munakukeña kwinka mukwenu mukashikola buloshuwa yaÑakwilu Yamalwihu 10 Ehulañawu Atwansi. Yenu hanasonekiwu nawu NYIKANDA> NYIKANDA & MABULOSHUWA.

• Yenu hanasonekiwu nawu “ABOUT US.” Twili netu munakushimwina mukwenu kumudimu wunakukeña kwiluka nsañu yahosha hayuma yitwakuhwelela. Yenu hanasonekiwu nawu ABOUT US > FREQUENTLY ASKED QUESTIONS.

TALENU VIDIYO YACHAKUYA HAJW.ORG, NAWA TALENU HIMUNATELI KUYA HAWEBUSAYITI YETU KULONDA MUWANI NSAÑU YAKUKWASHA:

• muntu wakanaña nawu hikwekala Nzambiku

• muntu wunaholokeli muwubanji

• manakwetu hela muhela wazeya

• kufuntila wunakukeña kwiluka kwafumaña mali akwashaña mudimu wetu

• muntu wakwituña dacheñi wunakukeña kuwanika kukupompa kwituña kwafumayi