Zatishenu Ifu Datachi ha JW.ORG Hakushimwina

Hefu datachi hawebusayiti yetu hekala yibaaba nimavidiyo anateli kukokola antu amavulu akweti nyichima yashinshika. (Yil 13:48) Kakavulu hekalaña nyitu yansañu yayiha muwihi hela nsañu yinakutoñojokawu antu niyinakuhoshawu.

Munateli kuzatisha ñahi ifu datachi ha jw.org hakushimwina?

• Yenuña hawebusayiti mpinji yejima. Ilukenu nsañu yayiha yinashiwu, nawa toñojokenu chimunateli kuyizatisha hakukwasha muntu wukweti mpwila. (Hakwila muwani nsañu yikwawu yashawu katataka yenu hefu datachi, chintenu hanasonekiwu nawu “Talenu Yuma Yayiha Yidihu.”) Neyi muyaña hawebusayiti yetu mpinji yejima chikuyikwasha kwiluka nsañu yayiha yidihu yimunateli kuzatisha hakushimwina.

• Zatishenu yibaaba nimavidiyo adi hefu datachi hakutachika kuhanjeka nawantu. Iyi nsañu yinateli kutukwasha kwiluka antu amwiluña detu chinakutoñojokawu.

• Yitalishenu antu ifu datachi. Yilejenu nyitu yikwawu, nawa yilumbulwilenu chakuwana nsañu hawebusayiti yetu.

• Yitemeshelenu linki. Antu amakwawu chayikalilaña kuhosha nawantu kanwa-nakanwa, ilaña akeñaña kuya hawebusayiti yetu. Dichi bayi mushintajala kuyitemeshela antu anamwekeshi mpwila linki yikuyitwala hefu datachi hela kuchibaba hela vidiyo yidihuku.